السلام عليكــم ورحمـة الله وبركاتــة ،،
كيف حالكم ؟؟
نبي من كل واحد عنده مسجات للشعر الشعبي فقط يا ريت يحطها في الموضوع هذا
نبوها موسوعة زي موسوعة الأمثال الشعبية
و بسم الله نبدأ :
سلامك دزه .. إن كان بيننا باقي عروق معزة . نريد ننشدك
غريق بحرهن .. عيونك بلا مجداف ما نقدرهن . تراجعت سامحيني
يا من يهمه الأمر .. واعر اريافك كيف لدع الجمر . ماعاد نقدره
يا دلال أنظاري .. إن كان طيفك عن النظر متواري . ما زلت غالي
س: كان غاب عن عينك عزيز توده ، حبل الوفاء ترخيه ولا تشده ؟
ج : ما نرخيه .. حبل الوفاء بالحيل نمسك فيه .. مرات يبدا صاحبي في شده !!
يا جميل الغمزة .. كيف ما ضرب وحشي برمحه حمزة .. ضارب كنيني
دقه دقه .. العين طالبة مني عزيز تحقه . لو كان ترجع يا زمان دقه دقه
يا جميل اطباعه .. سريب صوبنا ما اتلايمه سماعه .. تعال انهدرزو
للضحك
شاهي و شارب و الغدا متغدي .. ما ناقصة إلا رنتك يا مصدي
قطوس خاطري رايف ارياف بقوة ، على فار يقرا في الرسالة توه
موضوع: مسجات شعرية 
الخميس أكتوبر 30, 2008 2:26 am
